Sabado at Linggo (Marso 19-20, 2016)

Sabado. Napagdesisyunan kong matulog maghapon. Wala naman akong gagawin ng araw na ito, walang mga takdang aralin, mga proyekto kaya’t nabuo ang desisyong ito. Nakatutuwang isipin na kahit wala naman akong ginawa maghapon ay tila pagal ang aking katawan.

Gumising ako ng alas nuwebe ng umaga, kumain, naligo at natulog ulit ng alas dose ng tanghali. Nagising ako nang magaalas-sais ng gabi.

Nakakaantok talaga! Nakapanghihinayang rin dahil wala man lang akong nagawang mabuti at mahalaga nang araw na ‘to. Pero okay na rin, at least ay nakapagpahinga rin ako sa fully sched na nakaraang mga araw.

Linggo. Wala nang bago. Natulog lang ulit ako maghapon nito. Hindi ko alam kung bakit ‘tila tamad na tamad talaga ako ng araw na ‘to. Pero sige, masaya naman matulog.

Gabi na rin nang magising ako, agad kong binuksan ang computer upang  i-check ang social medias ko na siyang tila buhay ko na, siguro nga kung wala sila eh hindi ko na kayang mabuhay sa mundo ibabaw. Pero biro lang syempre.

Pagkatapos ko mag-aliw sa paggamit nito ay naglaba muna ako ng uniform ko upang may magamit ako kinabukasan sa pagpasok.

Naghugas ng pinggan at naglinis ng bahay kahit na gabi. May mabuti naman pala akong nagawa. HAHAHAHA. Okay na ‘yun, mabait parin ako.

Dahil gabi na, matutulog na ako ^_^

Sabado at Linggo (Pebrero 27-28, 2016)

Kahit na pagod at puyat, dahil sa Field demonstration kahapon, pinilit ko parin bumangon upang maghanda sa pagpunta na Technological Institute of the Phillippines (TIP) sa Quezon City. Mayroong gaganaping workshop patungkol sa Google Sketch Up at Webpage Making.

Kasama ko ang aking piling kamag-aral at iba pa sa baitang sampu. Naging masaya naman ang araw na ito na sa dami ng aming natutunan at na-experience.

Ito ang aking unang beses na makatuntong sa lugar na ito, at lubos naman akong namangha sa mga pasilidad dito. Kumbaga eh kumpleto sila sa lahat, ang gagawin mo na lamang ay gamitin ang mga ito. Tunay na worth it yung medyo may kamahalan na tuition fee dahil hindi kayo mamomroblema sa mga kagamitan. ‘Di tulad ng ibang College Universities.

Baka nga dahil sa mga nasilayan at nalaman ko, ay dito na ako mag-aral ng kolehiyo. Nalaman ko na ang paaralang ito ay kabahagi pala sa ABET o ‘yung kunwari ay naka graduate ka bilang isang Computer Engineer, pagdating mo sa ibang bansa ay hindi ka lang isang dihamak na technician, ito aprin ang trabahong ibibigay sa iyo. Napakaganda talaga.

Pero balik tayo sa workshop. Nakakalungkot dahil hindi man lamang pinalad na makasama sa mga nanalo ang design na aking ginawa sa Google sketch up. Pero, kahit na ganoon, mas mahalaga parin ‘yung mga natutunan ko.

Kaugnay nito, napasama naman sa mga parangal ang design ni Jemer Tuberon, aking kamag aral at Jhomar Catuiza, baitang sampu para sa webpage design.

Okay na rin ‘yun dahil sa lahat ng paaralan sa Antipolo City ay mayroong naiuwi ang aming paaralan.

Workshop lang naman ito eh, hindi naman kompetisyon kaya ayos lang kahit hindi nanalo. Naging masaya naman.

Gabi narin nang kami’y makauwi. Sa aking pagod, dumeretso ako sa kuwarto upang ihimlay ang pagod na katawan sa kama.

Alas-nuwebe ng umaga, Linggo ako nagising. Laking pasalamat ko at nakabawi ako ng tulog dahil sa sunod-sunod na puyat dahil samga gawaing pampaaralan.

At as usual, Linggo, gawaan muna ng mga nakatakdang tapusin na mga proyekto. Upang sa pagpasok kinabukasan, Lunes, ay handa ako.

Sabado at Linggo (Enero 30-31, 2016)

 Ano ba ang ginawa ko ng araw na ito? As always J Sabado na naman, edi TULOG ULIT! ^_^ AHAHAHAHA. Aba! Napakasarap kaya matulog nang wala kang iniisip, kaay sulit.

Napakatamad ko yata. Pero totoo naman. Wala akong maalala na ginawa kong may kabuluhan ngayong araw kundi ang matulog lang, FB, IG, at matulog ulit. Napakasaya na walang gagawin.

Kring! Kring! Tunog ng aking cellphone ko ng alas kuwatro ng madaling araw. Bumangon, naghilamos, tumingin sa oras, at naalala kong Linggo lang pala. Nakakabanas! Bakit ba hindi ko napatay yung alarm ko kinagabihan? Naputol tuloy ang mahimbing na tulog ng aking pagod na katawan.

Pagod na katawan kahit na wala anman ginawa noong Sabado. AHAHAHAHA! Astig ‘diba? Ewan ko ba basta ang alam ko lang eh pagod ako at matutulog ako. AHAHAHAHA! Tapos ‘yun sinamahan ko si Mama noong hgapon na sa aming tindahan sa Bagong Nayon, nakakpagod kaya nagpaundo ako sa papa ko noong gabi na at natulog narin pagkauwi dahil maaga na naman akong kailangan gumising kinabukasan para pumasok sa paaralan.

Sabado at Linggo (Enero 23-24, 2016)

Natulog. Natulog. Natulog. Napaka productive naman ng araw kong ito. Ahahaha. Natulog lang ako maghapon ng Sabado. Ewan ko ba, parang ang bigat bigat ng katawan ko na ‘tila ayaw umalis sa pagkakahimlay ang aking matamlay na katawan sa malambot at ma-preskong higaan.

Gumising ng 9:00 am, naligo ako pagka bangon. Kumain, natulog ng 12:00 pm, nagising ng 4:00 pm, naf Facebook lang saglit, tapos natulog ulit. Ayun! Sobrang nakaka antok talaga at nakakatamad. Hanggang kinabukasan na ako nagising.

Linggo na, at dating gawi. Nagka yayaan na naman gumala kasama ang aking mga kamag-aral. Pero may kabuluhan naman ang aming paglalakwatsa ngayon. Bumili na rin kami ng mga kagamitan namin para sa proyekto sa TLE. Nag Quantum muna kami, at ayun butas na naman ang bulsa.

Mag gagabi na nang kami’y makauwi. At as always, maghahabol ng mga takdang aralin. Pero tinamad ulit ako at sabi ko ‘Bukas nalang, AP at TLE lang naman ang asignatura kinabukasan.

Haay nako. Bakit ba nag eexist ang ‘Katamaran’? Nakakainis na rin. Napakaraming naapektuhan. Pero wala eh. Ahahaha. Ganun talaga. 

Sabado at Linggo (Enero 16-17, 2016)

Nakakatamad bumangon! Nakakainis pero kailangan pumunta sa paaralan para sumuporta sa mga kaklase na kasali sa patimpalak para sa Math in Action 2016, ayun! Worth it ang pag putol ko ng aking mahimbing na tulog dahil naiuwi naman nila ang korona sa Jingle Making Contest na siyang ikinasaya ng bawat Isa sa aming pangkat, Antipolo.

Isa daw itong history dahil sa ilang beses na pagsali ng aming pangkat dito ay ang pinaka mataas na lebel sa unang pangkat ang laging nakakakuha ng titulo kaya nang i-anunsyo ang panalo ay halos mabingi kami sa lakas ng tibok ng aming puso dahil ang bawat isa’y nagulat.

Ayun! Masaya ako para sa kanila dahil pangalan ng aming pangkat ang kanilang dinadala.

Nang uwian na ay pumunta muna ako ng SM Masinag kasama ang aking kamag-aral na si Maureen, bumili lang kami doon ng Zagu dahil natripan lang naming at Planner dahil alam naming magagamit naming ito sa aming pag-aaral lalo na kapag kami ay tumungtong na sa ika-sampung baitang.

 Pagabi na nang kami’y makauwi at as usual gawa gawa muna ng mga takdang aralin, napagod, nag pahinga, at natulog na.

Tanghali naman na ako nagising ng Linggo, gumamit lang ako ng Cellphone mag hapon, nag surfing at pagkatapos ay pumunta muna sa simbahan upang magpasalamat sa Panginoon.

Noong gabi na ay gumawa muna ako ng mga takdang aralin at natulog narin upang maaga akong magising kinabukasan at hindi mahuli sa klase.